Топ-100 Merkelin C.Qafqaza səfərinin dedi-qodusu....

Merkelin C.Qafqaza səfərinin dedi-qodusu....


Alman kansler nə gətirdi, nə götürdü?..

Avqustun23-dən 25-dək Almaniya kansleri Anqela Merkel Gürcüstan, Ermənistan və Azərbaycanda rəsmi səfərdə oldu.
Qeyd edək ki, şansölyenin səfəri elə ilk gündən problemli başladı. Belə ki, rəsmi Bakı Almaniya Bundestaqının üzvü, C.Qafqaz üzrə Dostluq qurupunun rəhbəri Albert Vaylerin Azərbaycana səfərinə icazə vermədi.
Deputat Vayler alman kansleri Qafqaz səfəri zamanı müşaiyyət etməli idi. Lakin hələ buna qədər o, Bakının icazəsi olmadan iki dəfə Xankəndini ziyarət etdiyinə görə qara siyahıya düşmüşdü.
Ermənistan mətbuatı baş vermiş insidenti şərh edərkən, qeyd edib ki, bu hadisə ilə əlaqədar guya Merkel Bakını diplomatik şəkildə xəbərdar edib. Azərbaycanın mövqeyini Qarabağ konfliktinin həll istiqamətində atılacaq addımlara əngəl kimi qiymətləndirib.
Lakin alman jurnalistin sualına cavabında kansler bildirib ki, bu məsələnin müzakirəsi zamanı Vaylerin digər bir bundestaq üzvü ilə əvəzlənməsi barədə fikir mübadiləsi edilib.
Bəs Merkelin C.Qafqaza səfəri bölgəyə nə vəd edir? Ermənistan mətbuatının qeyd etdiyi kimi bu turnedən sonra, doğurdanmı şansolye İrəvan bə Bakı arasında seçim etməlidir?
Belədirsə, onda Merkelin Bakıda səsləndirdiyi bəyanat xüsusi ilə diqqəti cəlb edir:
-biz Azərbaycanı C.Qafqazdakı ən böyük tərəfdaşımız kimi qəbul edirik. Əməkdaşlığımızın gələcək istiqamətlərini daha da genişləndirmək niyyətindəyik-Anqela Merkel belə deyib...
Əgər Merkel ənənəvi alman siyasətini əsas götürərək, Bakıda bir, İrəvanda başqa fikir səsləndirməyibsə, onda demək olar ki, Berlin artıq öz seçimini edib. Həqiqətin nədən ibarət olduğu isə yaxın bir ildə məlum olacaq...
Gürcüstana gəlincə, Molla Nəsrəddinin təbrincə desək, deyəsən, gürcü qardaşlarımız çaldı, çünki Merkel onlara 300 milyon avro verəcəyini vəd edib...    
Onu da qeyd edək ki, Almaniyada irqçiliyin tüğyan etdiyi bir dövrdə Merkelin bu səfərinin uğurlu olması, bir qədər şübhə doğurur. Hər nə qədər böyük siyasət bu qəbildən olan “kiçik məsələləri” arxa plana atsa da.....

0/Şərhlər

Previous Post Next Post