Топ-100 Avropalı millət vəkilləri avtomobillərin səs-küylü olmasını istəyir

Avropalı millət vəkilləri avtomobillərin səs-küylü olmasını istəyir


İyulun 1-dən qanun qüvvəyə minir...

Elektrik mühərrikli avtomobillərin daxili yanma mühərrikli maşınlar üzərində ən mühüm üstünlüyü, onların tam səssiz işləmələridir.  Sürücülər və sərnişinlər elektromobilləri bu keyfiyyətinə görə yüksək qiymətləndirirlər.
Lakin tezliklə bəhsi gedən avtomobillərin bu xüsusiyyətinin piyadalar və ya velosipedçilər üçün təhlükə yaratdığı məlum olub. Başqa sözlə, onların yaxınlaşan elektrik avtomobilinin səsini eşitməməsi və bu minik vasitəsinin təkərləri altına düşməsi ehtimalı xeyli çoxdur.
Avropalı millət vəkilləri bu vəziyyəti düzəltməyi qərar almışlar.
Hələ keçən il bu problemlə əlaqədar olaraq, qanun qəbul etmişlər. Artıq iyul ayının 1-dən həmin qanun qüvvəyə minir
Qanuna görə saatda 20 kilometr sürətlə hərəkət edən istənilən nəqliyyat növünün akustik xəbərdarlıq sistemi ilə təchiz edilməsi məcburidir.
Qanunda elektrik mühərrikli avtomaşınların 56 desibeldən az olmayaraq gurultu etməsi də bir mənalı tələb olunur, hansı ki, bu səs işləyən soyuducunun çıxartdığı səsə ekvivalentdir.
Həmçinin qanunda sürətin artmasına uyğun olaraq, gurultunun da çoxalması məcburiyyəti də qeyd olunub.
Xatırladaq ki,  daxili yanma mühərrikli avtomobillərin çıxartdığı səs-küy, təxminən, 75 desibeldir.

0/Şərhlər

Previous Post Next Post