Avropada transfer hərəkatı:Ulduz futbolçular klublarını dəyişəcək mi?

Zinəddin Zidan yay transfer sezonunda komandadan bir neçə futbolçunu göndərmək istədiyini klub rəhbərliyinə bildirib.Belə ki, Real Madridin birçox oyunçu ilə yollarını ayıracağı gözlənilir.Mariano Diaz, Brahim Diaz, Qaret Beyl, Xames Rodriqez, Luka Yoviç, Lukas Vazqezin komandadan ayrılacağı gözlənilir.Qaret Beyl ilə bir çox klub maraqlanır.İtalyadan İnter, İngiltərədən Nyukasl Yunayted və ABŞ-dan İnter Mayami futbol klubları oyunçunun transferində maraqlıdır.Beyl klubdan ayrılarsa, mövqe boşluğunu doldurmaq üçün Embappe transfer olunacaq. Digər tərəfdən Marselo və Luka Modriç üçün qərarı futbolçuların özləri verəcəklər.Xatırladaq ki, Marselo ötən gün Real Madriddən ayrılmayacağını açıqlayıb.

Barselona da əzəli rəqibi Real Madrid kimi bir neçə oyunçusu ilə vidalaşır.Belə ki, İvan Rakitiç ilə Yuventus, Arturo Vidal ilə İnter maraqlanır.Luis Suarezin isə Liverpula qayıdacağı haqda söz-söhbət var.Suarez komandadan ayrılarsa, İnterdən Lautaro Martinez heyətə qatıla bilər.Antuan Qrizman üçün üç klub hərəkətə keçib.Mançester Yunayted, Bayern Münhen və Yuventus.Lakin Bayern Münhen rəhbərliyi Leroy Sane transferini gerçəkləşdirərsə, Qrizmandan imtina edə bilərlər.Yuventusun Qrizman transferi isə Ronaldodan asılıdır.Belə ki, Ronaldo klubda özünü xoşbəxt hiss etmir.İstədiyi oyunu sərgiləməkdə çətinlik çəkir.Buna görə yayda Mançester Yunayted və Real Madrid klublarından birinə keçidi gerçəkləşə bilər.

Mançester Yunayted B.Dortmundun futbolçusu Sanço ilə maraqlanır.Oyunçu Bundesliqada yüksək performans sərgiləyərək böyük klubların radarına girə bilib.Dortmunddan öncə Mançester Sitidə çıxış edən Sanço, istənilən oyunu ortaya qoya bilməmişdi.Mançester Yunayted oyunçunun transferi üçün 100 milyon avroya yaxın pul ödəyə bilər.

Bayern Münhen Levandovskiyə alternativ olaraq Timo Verneri yaxından izləyir.Lakin oyunçu ötən gün klubdan ayrılmayacağını bildirib.Verner:”Bayern Münhenə getməkdənsə, xarici kluba keçərəm.”Xatırladaq ki, Timo bu sezon 36 matçda 27 qol , 11 asistə izma atıb.

Dortmund köhnə futbolçusu Dembeleni komandada görmək istəyir.Barselona klubu da oyunçunu satmaqda maraqlıdır.Buna görə tərəflər razılığa gələrsə, Dembele önümüzdəki sezon “sarı-qaralar”-ın formasını tərlədəcək.