Топ-100 Bir xristiyanın İslam sevgisi:Möcüzə 7

Bir xristiyanın İslam sevgisi:Möcüzə 7


Futbol karyeri
Bəşəriyyətin təməl problemlərindən biri, bəlkə də birincisi siyasi, dini, irqi və cinsi ayrıseçkiliklərdir.Gender (qadın haqları) problemini qabardan qüvvələrdən tutmuş, ta ağ və qara dərili insanların arasındakı bərabərsizliklərə, eləcə də milliyətçi düşüncə tərzindən xalqçı düşüncə tərzinədək dünyada bir çox qruplaşmalar və bundan sui-istifadə edib insanları bir-birinə düşürən beyin mərkəzləri mövcuddur.Tək Allahlı dinlər arasında körüklənən süni problemlər isə bu neqativ siyahının birinci sırasında durur.
Bununla belə, sevinclə qeyd etməliyik ki, indiyə qədər bu kompleksi daşımayan milyonlarla insan öz yaşayış tərzləriylə bəşəriyyətə örnək olmağa çalışmışlar. Hazırda da belə insanlar az deyil.
Məqaləmizdə bu qəbil insanlardan olan Kriştiyanu Ronaldunu mərcəyimizə alacağıq.
Ronaldu Portuqaliyanın Madeyra şəhərində  doğulub. O, 2 bacı 2 qardaşın ən balacasıdır.6 yaşından futbol dünyasına atılıb. Bəhsi gedən idman növünə olan sevgi və marağı onu ölkəsinin Sportinq Lissabon kimi məşhur klubunda professiyonal futbola həyatına başlamasına vəsilə olmuşdur. İstedadı ilə qısa müddətdə Sör Aleks Ferqisonun diqqətini çəkir və Mançester Yunayted futbol klubuna transfer olur.Oynadığı illər ərzində texnikası ilə dünyada məşhurlaşan “möcüzə 7” Mançesterdəki son sezonunda ağır travma keçirir.Bununla da bir Ronaldu dövrü başa çatır.
2009-cu ilin yayında Real Madridə 90 milyon avro qarşılığında transfer olan ulduz futbolçu köhnə vərdişlərindən uzaq futbol sərgiləsə də, dünya yeni bir qol maşınının doğuşunu seyr edir.İspaniyada mükafatlara və çempionluqlara doyan Ronaldonun bir sonrakı klubu isə İtalyanın Turin şəhər komandası “Yuventus” olur.Hazırda ulduz futbolçu peşəkar idman həyatını “qoca senyora” həsr etməkdədir.
Kriştiyanunun şəxsi həyatına, ictimai fəaliyyətinə gəlincə, o, Georginya Rodriqezlə evlidir və 4 uşaq atasıdır.35 yaşlı bu futbol dahisi həyatda da öz gücünə inananlardandır. Daima ən yaxşını əldə etmək üçün mübarizə aparır.Bununla yanaşı həm də həssas birisidir.Mükafatlandırma mərasimlərinin birində anası da bu faktı təsdiqləyib.Belə ki, o, oğlunun gözü sulu və duyğularının qabarıq olduğunu söyləyib. Ronaldu bu keyfiyyətini saf ürəkliliyi, əliaçıqlığı, xeyriyyəçi əməlləriylə də sübut edir.
Fələstində, Qəzzada köməyə ehtiyacı olan ailələrə, uşaqlara əl tutur.Bunu üçün aldığı mükafatları belə satışa çıxarmaqdan çəkinmir.
Türkiyə başda olmaq üzrə islam dünyası ilə yaxından maraqlanır, yardımlar göstərir, yatırımlar eləyir.
Səudiyyə Ərəbistanını ziyarət zamanı ona Quran-i Kərim hədiyyə olunarkən, sevinc və təəccüb içində fikirlərini, hiss və duyğularını belə ifadə etmişdi:
-Aldığım ən gözəl hədiyyədir.Oxuyacam və evimin ən gözəl güşəsində saxlayacam.
Ronaldunun İslam dünyasına simpatiyası bununla bitmir.
İsrail futbolçusuna verdiyi cavab olduqca ibrətamizdir.
Portuqaliya və İsrail millilərinin oyunundan sonra ona yaxınlaşan İsrail futbolçusu forma dəyişdirmək istəyir.Ronaldu isə “Mən insan qatilləri ilə forma dəyişdirmirəm.Fələstində ettiklərinizdən xəbərim var”-deyə, cavab vermişdir.
Onun bu hərəkəti hər nə qədər birmənalı qarşılanmasa da, istənilən halda Ronaldunun bu cavabının pis niyətli olduğunu düşünmək, ona qarşı ədalətsizlik olardı.
Bu məsələ ilə əlaqədar siz dəyərli oxucularımızın münasibətini də bilmək bizlər üçün çox maraqlıdır. Xahiş edirik, məqalənin şərhlər bölməsində öz fikrinizi bildirin.
 Hazırda isə hamıya maraqlıdır ki, görəsən, Ronaldu İslamı qəbul edəcək, ya yox?
Son olaraq, Ktiştiyanudan bir sitatla mövzunu tamamlayırıq:
-Mançester Yunaytedə gələndə məşqçi məndən hansı formanı geyinmək istədiyimi soruşdu. 28 nömrəli formanı istədim. Ancaq Ferqison, xeyr, 7 nömrəni geyinəcəksən- dedi.
Bu mənim üçün əlavə bir motivasiya mənbəyi oldu. Çünki belə bir şərəfə çatmaq məcburiyyəti ilə üzbəüz qaldım.

0/Şərhlər

Previous Post Next Post