Rusiya Suriyada həm düşmənə, həm də özünə qarşı döyüşür

Rusiya Silahlı Qüvvələrinin mayoru Nikoly Zainkin mühakimə olunur. 

Mayor Zainkin Suriyaya döyüşçü göndərilməsi ilə əlaqədar rüşvət almaqda ittiham olunur. Cinayət işinə Sankt-Peterburq Qarnizonu Hərbi Məhkəməsində baxılır. Rüşvət hadisəsi ilə bağlı artıq mayor Zainkinin tabelisi 3-cü dərəcəli kapitan A.Danilovski və digər beş nəfər həbs olunub.

İstintaq zamanı məlum olub ki, Suriyada döyüşmək istəyən hər əsgər və zabitdən 340 min rubl məbləğində rüşvət alınıb (xatırladaq ki, döyüş bölgəsində xidmətə görə yüksək məbləğdə pul ödənilir. Ona görə hərbçilər böyük həvəslə Suriyada döyüşmək istəyirlər-red.).

Nikolay Zaikinə gəlincə, o, özünü təqsirkar bilmir. Bütün bunları yüksək rütbəli başqa bir hərbçinin istəyi ilə etdiyini söyləyir. Görünən budur ki, Rusiya silahlı qüvvələri boğazına qədər rüşvət bataqlığı içindədir.

Sonda qeyd edək ki, koronavirus üzündən bu məhkəmə işinə son qoymaq olmur. Məhkəmənin növbəti iclasının may yının 29-da keçirilməsi qəraralaşdırılıb.