“Playstation 5”-in çıxışı tarixi bəlli oldu

Yapon firması “Sony” bir çox texnoloji avadanlıqlar istehsal etməklə, bazarda xətri sayılacaq müştəriyə sahibdir.

Smartfon, kamera,  televizor ilə yanaşı oyun konsolları da hazırlayan bu dünya markasının, tezliklə, yeni “Playstation 5”-i satışa buraxacağı məlum olub.

Bildiyiniz kimi bu oyun konsolu 90-cı ilin ortalarından satışdadır. Bugünlərdə isə “Sony” öz səhifəsindən tezliklə yeni “Playstation 5” konsulunun təqdimatı olacağını bildirib.

“PS5” iş elanı ilə “ifşa” oldu

“Sony” iş elanları vasitəsi ilə yeni satış personalları axtardığını da açıqlayıb.

Bu elanları diqqətlə araşdırdıqda “PS5”-in məhz payız aylarında satışa buraxılacağını ehtimal etmək mümkündür.

Xatırladaq ki, şirkət “PS4”lərin satışı zamanı çox qısa zamanda 7.5 milyon ədəd realizə edə bilmişdi. Bunun “Sony” üçün ən uğurlu göstərici olduğunu rahatlıqla söyləmək olar. “PS5”-lərdə belə bir nəticə əldə ediləcəkmi, zaman göstərəcək. Tək onu deyə bilərik ki, şirkətin açıqlamalarına əsasən, “PS5” bir çox parametrlərinə görə  həm “PS4”-dən, həm də rəqibi “XBOX”-dan daha üstündür.