Yeni işıq hərəkəti aşkarlanıb

Dayton Universitetindən Andy Chong və Kiwen Zhang adlı iki alim əvvəlki metod və yanaşmalardan imtina edərək, fərqli üsulla işıq hərəkətini öyrənməyə çalışmışlar.

Tədqiqatın nəticəsi xeyli maraqlı olub. Araşdırma zamanı yeni bir işıq hərəkəti ortaya çıxıb.

Məlum olub ki, işıq öz hərəkəti istiqamətinə perpendikulyar olan bir ox ətrafında fırlanır.

Alimlərin fikrincə, belə bir tapıntı məlumatların ötürülməsində istifadə edilə bilər.

Andy Chong və Kiwen Zhangın araşdırmalarının nəticələri artıq elmi jurnallarda dərc olunmağa başlayıb.

Andy Chong mətbuata açıqlamasında qeyd edib ki, bu araşdırmada məqsəd işığın məkan və zamanla, materiya ilə qarşılıqlı təsirini daha yaxşı anlamaq idi.