Топ-100 Erdoğan doğrunu tapdı, yaxud bir daha koronavirus haqqında

Erdoğan doğrunu tapdı, yaxud bir daha koronavirus haqqında


 koronavirus haqqında
Bu günlərdə Türkiyənin Səhiyyə Naziri Fahrettin Koca yeni bir hesabatla çıxış edərək, Covid-19 virusuna yoluxanların sayının iki gün əvvəl 786 və 867 nəfər olduğu halda, iyunun 4-də bu sayının yenidən 988-ə çatdığını bildirmişdi.
Elə həmin gün Daxili İşlər Naziri Süleyman Soylu bu hesabatı əsas götürərək, həftəsonunun karantin olacağını elan etdi. Yəni əhaliyə küçəyə çıxmaq yenidən qadağan olundu.
Halbuki iyunun 1-dən Türkiyədə qadağalar xeyli yumşaldılmışdı. Həyat yavaş-yavaş öz axarına dönürdü. Uşaqların sevinc səsləri parkları, həyətləri bəzəməyə, insanların üzləri gülməyə başlamışdı.
Təbii olaraq, belə bir qərarın yenidən icraata qoyulması insanların tədirginliyinə səbəb oldu. 
Lakin qəfil və gözlənilməz, bir o qədər də təqdirəşayan addım Cümhurbaşkanı Recep Tayyip Erdoğandan tərəfindən gəldi.
İyun ayının 5-də Erdoğan Daxili İşlər Nazirinin bəhsi gedən qərarını ləğv etdi. Onun çıxışında sanki bu addımın insanlara qarşı bir haqsızlıq olduğu qənaəti sezilirdi. Bununla yanaşı dövlət başçısı vətəndaşlardan ehtiyatlı olmağı rica etməyi də unutmadı.
Görünən budur ki, Türkiyə prezidenti Erdoğan da ya bu koronavirus oyununun mahiyyətinə varmış, ya onun özü ilə gətirəbiləcəyi sosial-siyasi təhlükələri sezmiş, ya da bundan sonra koronavirus üzərindən artıq siyasət yürütməyə ehtiyac olmadığı qənaətinə gəlmişdir.
Azərbaycanda isə indi-indi həftəsonlarının qadağan edilməsinə başlanılıb.

Koronavirus və “kopi-past”
Ümumiyyətlə, koronavirus psixozu dönəmində bir sıra heyrətamiz və komik hallar müşahidə edildi. Bunlardan biri də dövlətlərin bir-birindən Covid-19 virusuna qarşı atılan addımları "kopi-past" etmələri idi.
Məsələn, vaqenin başlarında əgər Türkiyə Azərbaycandan bir sıra tədbirləri mənimsəmişdisə, son zamanlarda əks proses getməyə başlayıb. Yəni Azərbaycanda həyata keçirilən həftəsonu qadağaları Türkiyədən transfer olunur. Onu da unutmayaq ki, bu Türkiyəyə xas bir "çarə tədbiri" də deyil. Avropanın bir sıra ölkələri bu mərhələlərdən keçiblər və ya keçməkdədirlər.
Deyilə bilər ki, burada pis nə var, sınaqdan uğurla çıxmış addım kimi tətbiq olunur.
Məsələ burasındadır ki, bütün ölkələrdə bu tədbirlər koronavirusa qarşı deyil, insanları inandırmaq məqsədilə tətbiq olunduğu üçün gülməli görünür.
Məsələn, əgər həftəsonunda qadağalar tətbiq etmək lazımdırsa, virusun ekstensiv yayılması barədə statistika dövriyəyə buraxılır və ardınca sərt tədbirlər gəlir. Özlərinə mətbuat orqanı və ya işçisi adı verən bir sıra qaragüruh isə bu rəqəmlərdən bərk-bərk yapışaraq koronavirus barəsində səsləndirdikləri fikirlərində nə qədər haqlı olduqlarını sübut etməyə çalışırlar. Bu vaqeyə soyuqqanlı münasibət göstərən insanları, hətta, bütövlükdə cəmiyyəti aşağılamağa belə cürət edirlər. Düşünürük ki, zaman hər şeyi yerinə qoyacaq. Necə deyərlər, haqq nazilər, amma üzülməz!
Biz dünən də vardıq, bu gün də varıq. Yolxucu viruslar da bizimlə bərabər olublar, olacaqlar. Amma insanoğlu yaşamağa daim davam edəcək.

0/Şərhlər

Previous Post Next Post