Mələklər və ya Şeytanlar: koronavirusdan 5G-ə qədər

Yaxud niyə Bill Geyts bəşəriyyətin xilaskarı olmaq həvəsinə düşüb?

Əziz oxucular, müəllifin əməyinə olan sayqımıza görə, həmçinin, sizi yormamaq üçün bu maraqlı və geniş məqaləni hissələrlə dərc etmək qərarına gəldik.

Müəllifə də mükəmməl işinə görə minnətdarıq və ümid edirik ki, məhz bu cür yazılar sayəsində oxucularımız baş verən proseslər barədə doğru-düzgün məlumatlanacaqlar.

Ön söz və ya dünya nizamı haqqında qısa izah

Problemin mahiyyətindən danışmazdan əvvəl bir sıra anlayışları aydınlaşdırmaq məcburiyyətindəyik. Çünki belə bir izahat olmadan məqalənin dili geniş ictimaiyyətə çox çətin gələ bilər. Başqa sözlə, Vestfaliya Dünya Nizamı, Beynəlxalq Əlaqələr üzrə Şura, Transmilli elita, Yeni Britaniya İmperiyası, habelə Bilderberg və Bohemiya klubları və s. haqqında qısaca da olsa, məlumatımız olmalıdır ki,  məsələnin məğzini başa düşək.

Izahat...

Qısacası, 1648-ci ildə Müqəddəs Roma İmperiyasındakı Otuz illik müharibə başa çatdıqdan sonra Vestfaliya Sülhü imzalandı. Bu razılaşmaya əsasən, Avropada dövlət suverenliyi konsepsiyasına əsaslanan yeni bir dünya nizamı başladı. Ancaq görünən, bu nizamın vaxtının, artıq, başa çatmasıdır. Çünki yeni qaydalar uğrunda amansız oyunlar getməkdədir.

Bilindiyi kimi zamanla dünya çoxqütblü bir quruluşdan bipolyar sistemə keçmişdi. Lakin bu, Transmilli elitanın arzulamadığı bir nəticə olduğundan, soyuq müharibə dövrü başa çatdı və iki qütblü dünya dağıldı. Hazırda məqsəd, asanlıqla idarə olunan təkqütblü dünya qurmaqdan ibarətdir.

Bəs bu Transmilli elita kimdir?

Hələ 20-ci əsrin 50-ci illərində hətta Rotşildlərin və Rokfellerlərin sərvətlərinin də birləşdiyi və əsasən Anqlo-Sakson maliyyə dairəsindən ibarət olan dünya maqnatlarının daxil olduğu bir qurupdan bəhs edirik. Monopolyar və ya başqa adı ilə Yeni Britaniya İmperatorluğunu yaratmaq istəyənlər də elə bunlardır.

Bu dairənin əlində ictimai-siyasi, maliyyə və iqtisadi gücdən tutmuş, mediaya qədər bir çox təzyiq və idarə vasitələri var.

Təsəvvür edin, maliyyə, iqtisadi, sosial-mədəni və hərbi-siyasi problemləri və dünyanın gələcəyini müzakirə edən Dünya Ticarət Təşkilatı, Davos İqtisadi Forumu, Beynəlxalq Əlaqələr üzrə Şura, Münhen Təhlükəsizlik Konfransı və s. kimi qurumlar bu Transmilli elitanın planları əsasında fəaliyyət göstərirlər.

Siyahı bununla bitmir, bu qaranlıq qüvvənin Bohema, Bildberg və sair kimi tam və yarı gizli təşkilatları da var. Zaman-zaman Edgunews saytında bu təşkilatlar haqqında yazılar dərc olunub.

Wall Street Journal, Fortune, Forbes, New York Times və bu kimi başqa nüfuzlu media qurumları da bəhsi gedən maqnatların maraqları çərçivəsində ictimai düşüncənin manipulyasiyasıyla məşğuldurlar.

Belə bir qısa və aydın girişdən sonra düşünürəm, artıq mahiyyət üzrə danışa bilərik...

Beləliklə, qayıdaq yuxarıda verdiyimiz suala, nə üçün Bill Geyts bəşəriyyətin xilaskarı olmaq həvəsinə düşüb?

Davamı növbəti yayımımızda...

Şahin Əlioğlu