Facebook Messenger və İnstaqramını birləşdirməyə başladı

Vahid mesajlaşma xidmətində yeni xüsusiyyətlər olacaq...

Ötən ilin əvvəlində Facebook-un direktoru Mark Zuckerberg Messenger, Instagram Direct və WhatsApp-ın vahid mesajlaşma platformunda birləşəcəyini söyləmişdi. Bu birləşmə əsasında mesaj mübadiləsinin daha mükəmməl şəkildə şifrələnəcəyini də qeyd etmişdi.

İlk addım kimi hələlik İnstaqram və Messenger-in birləşdirilməsinə start verilib.

ABŞ-dakı IOS və Android istifadəçiləri, İnstagram-a daxil olduqları zaman ekranda yeni mesajlaşma xidmətləri barədə məlumat gəldiyini söyləyirlər. Həmçinin, yeniliyin funksiyalarla yanaşı, sosial şəbəkə xidmətinin dizaynında da olduğu bildirilir. Belə ki, söhbət zamanı fərqli rəng kombinasiyaları ilə yanaşı, müxtəlif emosiya simgələrindən də istifadə etmək mümkündür. Bununla belə, hələ ki, indiyə qədər İnstagram istifadəçiləri Facebook-a mesaj göndərə bilməyiblər.