Топ-100 GÜN: 11.10.2020 | Video

GÜN: 11.10.2020 | Video

 



Salam Edgü TV-in "Gün" informasiya buraxılışına xoş gəlmisiniz. Oktyabr ayının 11-də gecə saat 2 radələrində Ermənistanın Vardenis ərzasindən Azərbaycanın Gəncə şəhəri raket zərbələrinə məruz qalmışdır.

Azərbaycan Respublikası BaşProkurorluğunun verdiyi məlumata görə bu hərbi cinayət nəticəsində 9 nəfər ölmüş. 34 nəfər yaralanmışdır. Ölən və yaralılar arasında qadınlar və uşaqlar var. Eləcə də 30-dan çox ev, 50-yə qədər iş yeri dağılıb, xəsarət alıb.

Bundan əlavə ermənilər Azərbaycanın Tərtər, Mingəçevir, Ağdam və Ağcabədi şəhər və rayonları zenit-artelleriya qurğularından atəşə tutmuşdur.

Azərbaycan Respublikasının prezidenti, Ali Baş Komandan İlham Əliyev ermənilərin atəşkəs rejimində Azərbaycanın şəhər və rayonlarına  hücumunu Beynəlxalq hüquq normalarına,ən əsası Rusiyanın vasitəçilik missiyasına hörmətsizlik dəyərləndirib. Baş vermiş bu hərbi cinayətə görə ermənilərə gərəkən cavabın veriləcəyini açıqlayıb.

Azərbaycan Respublikası Prezidentinin köməkçisi Hikmət Hacıyev  baş vermiş bu vandalizmi Xocalı soyqırımının davamı kimi qiymətləndirib.

Bu arada Azərbaycan Respublikasının Müdafiə Nazirliyi bəyan edib ki, gecə saatlarından etibarən Ermənistan silahlı qüvvələrinin Dağlıq Qarabağ və ətraf rayonlarındakı mövqelərinə dəqiq zərbələr endirib, xeyli sayda canlı qüvvə və hərbi texnika məhv edilib. Azərbaycan ordusu qarşısında aciz qalan ermənilər mövqelərini tərk edərək, panika içərisində qaçıblar. Ümumiyyətlə, erməni hərbçiləri arasında fərarilik sürətlə yayılmaqdadır.



0/Şərhlər

Previous Post Next Post