Çilinin Atakama səhrasında inanılmaz kəşfə imza atıldı

Qaradəlik ulduzu spagetti kimi uzatdı

Avropalı alimlər Çilinin Atakama səhrasına yerləşdirdikləri teleskop vasitəsi ilə maraqlı kəşfə imza atdılar.Belə ki, kainatı izləyən alimlər indiyədək bilinən, amma ispatlanmayan bir hadisəyə şahidlik etdilər.215 milyon işıq ili uzaqlıqda super böyük qaradəliyin orbitinə girən ulduzu əvvəlcə itələyərək uzaqlaşdırdığını, ardınca özünə doğru dartıb uzadaraq paramparça etdiyini müşahidə ediblər.Spagetti kimi dartılaraq uzanan və qaradəliyin içinə həbs olan ulduzun məhv olduğunu demək mümkündür.Elə buna görə alimlər bu hadisəyə spagetti effekti adını verdilər. Xatırladaq ki, bu hadisə indiyə qədər sadəcə teoriya kimi danışılırdı, lakin ispatlanmamışdı.

Bu hadisədə bizim diqqətimizi çəkən bir məqam oldu. Günəşin şüaları yer səthinə 8 dəqiqə ərzində çatır.Və yaxud demək olar ki, biz səmaya baxdığımızda günəşin 8 dəqiqə əvvəlki görüntüsünü görürük.215 milyon işıq ili uzaqlıqdakı ulduzun qaradəlik tərəfindən məhv olması anının illər əvvəl baş verməsi, başqa sözlə müşahidəçilərin illər əvvəli müşahidə etməsi çox maraqlı və tükürpərdən hadisədir.