Топ-100 Diqqət: Media nə etməlidir?

Diqqət: Media nə etməlidir?

Fəaliyətimizin məntiqi vurğusunu vura bilirikmi?


 Azərbaycan Silahlı Qüvvələri müharibənin mühüm fazasına keçid edib və işğal altındakı torpaqlarımızın azad olunmasını uğurla davam etdirir. Bəs, mövcud reallıqda aidiyyatı qurumlar və mediamız fəaliyyətini necə qurmalıdır?

Sualın cavabı əslində çox sadədir. Bunun üçün Ermənistan mediasına cüzi diqqət yetirmək kifayət edəcək.

Ermənilər cəbhədə ağır məğlubiyyətə uğrayır, elə buna görə də düşmən mediasında yalançı qələbə xəbərlərinin ardı-arası kəsilmir. Bunun isə çox sadə səbəbi var.

Belə feyk xəbərlərlə cəbhədə üstünlüyün onlarda olduğunu göstərib, döyüş bölgəsinə muzdluları daha rahat cəlb etmək istəyirlər.Biz isə Qarabağa gəlmək həvəsində olanlara başa salmalıyıq ki, onları burada cəhənnəm gözləyir.Başqa sözlə, həvəslərini qursaqlarında boğmaq lazımdır.

Onların digər dezinformasiyası isə Azərbaycan SQ-ın guya erməni mülki vətəndaşları hədəf almasıdır. Burada, şübhəsiz ki, birinci məqsəd öz cinayətlərinin üstünü ört-basdır etməkdir.

Əsas məqsəd isə bizim hərbi-siyasi rəhbərliyimiz üzərində beynəlxalq basqı yaratmaqdır. Beləcə də dünya ictimaiyyətinin vasitəsi ilə ordumuzun döyüş meydanında irəliləməsinin qarşısını almaq istəyirlər.Buna görə ermənilərin bu yalanları operativ şəkildə ifşa edilməlidir:

1. Rəsmilərimizin yayımladığı video və faktları anında paylaşmaq;

2. Ermənistan rəsmilərinin bir-birinə zidd təşkil edən bəyanları əsasında həqiqəti dünya ictimaiyyətinə çatdırmaq;

3. Ermənilərin yayımladığı yalan video və fotoların mənbəyini müəyyən etmək.

Yəni erməni xəbərlərinin yalan olduğunu anında bir neçə xarici dildə yayımlamalıyıq.

Yeri gəlmişkən, hələ də anlamaq olmur ki, niyə indiyə kimi cəbhə xəbərləri bizim televiziyalarda yalnız Azərbaycan dilində təqdim olunur. Halbuki ən azı 3-4 aparıcı əcnəbi dildə xəbərlərlə və qısametrajlı analitik verlişlərlərlə efirə çıxmaq lazımdır.Axı, nə vaxta qədər özümüz deyib, özümüz eşidəcik?!

Elnur Şahin

0/Şərhlər

Previous Post Next Post