Топ-100 Maradona kim idi?

Maradona kim idi?


Bu gün dünya futbolunun əfsanəsi Diyeqo Armando Maradona dünyasını dəyişdi.1960-cı ilin 30 oktyabrında, Buenos Ayresdə dünyaya göz açan argentinalı futbolçu , yenə bir payız axşamında dünyasını dəyişdi.Futbolla 10 yaşından etibarən məşğul olan Maradona həyatını idmanın bu növünə həsr etdi.”Los Kobollitas” klubunda çıxış edən futbol əfsanəsi klubun heyətində 136 oyuna çıxmış və heç bir oyunda məğlubiyyət üzü görməmişdir.Peşəkar futbola isə 1976-cı ildə “Argentinas Xuniors” klubunda başlamış, 166 rəsmi qarşılaşmada 116 qol vurmağı bacarmışdır.

1981-ci ildə Diyeqonun yeni adresi Argentinanın ən böyük və nüfuzlu iki klubundan biri olan “Boka Xuniors” idi.Burda çıxış etdiyi bir il ərzində 42 rəsmi matçda 28 dəfə topu qapıya göndərmiş və Avropa klublarının diqqətini çəkməyi bacarmışdı.Elə bunun nəticəsidə Maradona Bokanın heyətində cəmi bir il oynadıqdan sonra İspanyanın “Barselona” klubunun yolunu tutdu.Bu transfer üçün ispanlar argentinalı təmsilçilərə o dövrün rekord məbləğini, 4 milyon dollar həcmində ödəmə etmək məcburiyyətində qaldı.Lakin onun “Barselona” kariyerası da çox qısa oldu.Qısa olmasına baxmayaraq o, Barselonada da öz keyfiyyətini, oyun bacarığını, sadə keçidlərini sərgiləyərək dünya futbolunda bir əfsanə olduğunu ispat etdi.Oyun stilinə görə Messini ona bənzətsələr də Maradona argentinalı xələfindən daha sadə, gözəxoşgələn futbol oynayırdı, rəqiblərini bir bilək hərəkəti ilə geridə qoymağı bacarırdı.

1984-ci il idi.Diyeqo heç kimin təxmin etmədiyi bir qərar verərək, yeni bir transfer müqaviləsinə qol çəkdi.Bu razılaşma “Barselona” tarixinin ən ağır qərarlarından biri oldu.Ama digər tərəfdə, İtaliyanın Neapol şəhərində isə bir dirçəlişə imza atılmışdı.Çünki o, irəlidəki 4 il ərzində italyanların “Napoli” klubunun formasını tərlədəcəkdi və dünya futbolunun Maradonası olacaqdı.Belə də oldu.188 oyun, 82 qol.İtalya Diyeqonun oynadığı oyun və attığı qollarla yüksəlişə keçmişdi, bütün dünya bir futbol əfsanəsini seyr edirdi.

Kariyerası boyunca saysız rekordlar qıran Armando Maradona, 492 oyuna çıxmış 297 qol vurmağı bacarmışdır.Diyeqo  milli komandanın heyətində də bir çox qola imza atmışdır.Belə ki, dörd dünya kubokunda oynayan Maradona 1986-cı il çempionatında milli komandasına kapitanlıq etmiş və Qərbi Almanyanı finalda 3-2 məğlub edərək, dünya kubokunu almağı bacarmışdır.Həmin oyundan sonra “Qızıl Top” mükafatını almışdır.Çeyrək-final qarşılaşmasında isə Argentina İngiltərəni 2-1 məğlub etmişdir.Qollardan birini əllə vurmasına baxmayaraq qeydə alınmış, daha sonra FİFA həmin qolu “Tanrının əli” ləqəbi ilə əfsanələr siyahısına əlavə etmişdir.Digər qolu isə yenə unudulmaz qollar siyahısındadır.Belə ki, Diyeqo topla 60 metrə məsafə irəliləyərək bütün İngiltərə futbolçularını geridə qoymuş və topu tora qovuşdurmuşdur.

Şəxsi həyatına gəldikdə isə Diyeqo bir çox yanlışlar etdiyini dilə gətirmişdi.Bu barədə futbol həyatını bitirdikdən sonra özü mətbuata etiraf etmişdi.Uyuşdurucu maddələrdən istifadə etməsi onun sağlamlığına ciddi ziyan vurmuşdu.Ama o, həm dünya futbolunda, həm də Napoli şəhəri üçün əfsanəvi Maradona olaraq əbədi yaşayacaqdır.



0/Şərhlər

Previous Post Next Post