Топ-100 Sinyora Ayşala: ermənilər Azərbaycan lavaşını, gürcü xaçapurisini erməni təamı kimi təqdim edir

Sinyora Ayşala: ermənilər Azərbaycan lavaşını, gürcü xaçapurisini erməni təamı kimi təqdim edir

 Azərbaycan dost çevrəsini daha da genişləndirə bilər
Azərbaycan dost çevrəsini genişləndirə bilər

-Öncə özünüz və ailəniz barədə danışmanızı rica edərdik

- Rusiya vətəndaşıyam, Moskvada doğulub, boya-başa çatsam da, Qərbi Azərbaycanın Ağbaba-Şörəyel mahalındandır. Həyatımın ikinci yarısını isə İspaniyada yaşayıram.

-Avropada nə baş verir? Fransanın timsalında bir bu qədər islamofobiya İspaniyada da mövcuddurmu?

- Fransadan fərqli olaraq, İspaniyada, yaşadığım Kataloniya əyalətində belə bir rahatsızlıq yoxdur. İspaniya islam mədəniyyəti ilə iç-içə yaşamağı qəbullanmış. Öz ailəm üzərindən örnək çəkərək deyə bilərəm ki, Qərbi Afrika müsəlmanları ilə sıx əlaqələrimiz var. Daha da konkretləşdirsək, məsələn, əhalisinin 92% müsəlman olan Seneqal Respublikasıyla təmaslarımız mövcuddur. Bu münasibətlər həmin bölgədə insanların işlə təminatına qədər uzayır.

-Seneqal demişkən,qeyri-qanuni miqrasiya İspaniyaya neə təsir edir?

-Bu ürəkağrıdan bir mövzudur. Təkcə bir fakt qeyd edim ki, bu yaxınlarda dəniz yolu ilə İspaniyaya gəlməyə çalışan seneqallılardan 400 nəfəri öldü, yalnız 30 nəfəri xilas ola bildi. Bu yeganə fakt deyil. İspaniyada təkcə Afrikadan deyil, Suriya və sair kimi digər ğlkələrdən də axın var. İspaniya kimi Almaniyaya da bənzər köç axını var. Bu insanların yerli adət-ənənə və şəraitə uyğunlaşması üçün fərqli lahiyələr həyata keçirilir. Bununla belə, artıq bu insanların doğma yurd-yuvalarına qaytarılması istiqamətində də müzakirələr gedir.

-Qafqazdan necə, insanlar var?

-Şəxsən mənim təmasda olduğum və ya tanıdığım insanlar olmasa da, amma var. Sayları çox deyil və azərbaycanlı, gürcülərlə müqayisədə ermənilər daha çoxdur. Əsasən dənizsahili bölgələrdə məskunlaşırlar. Ermənilər daha çox xidmət və ticarətlə məşğul olurlar.  Yeri gəlmişkən, Azərbaycan lavaşını, gürcü xaçapurisini burada erməni mətbəxinin təamı kimi təqdim edirlər.

Azərbaycanlılara gəlincə, Qafqazdan deyə bilmərəm, ancaq Rusiyada yaşayan azərbaycanlıların uzun müddətdir bizim də çalışdığımız şirkətlə geniş ticarət əlaqələri olduğunu bilərəm.

-Bəs. Ümumiyyətlə türklər var?

-Sosial şəbəkə üzərindən tanıdığım Türkiyə türkü var. Ancaq ümumilikdə sayları barədə məlumatım yoxdur.

-İspanların Qarabağa münasibəti necədir?

-Bir qədər əhatəli cavab vermək lazımdırsa, deyə bilərəm ki, Madrid və Barselonanın məsələyə münasibəti fərqli ola bilər. İspaniya hökumətinin rəsmi Bakını dəstəkləməsi anlaşılandır. Yeri gəlmişkən, bu Almaniya üçün də keçərlidir. Amma Kataloniya və Bavariya əhalisi fərqli mövqe sərgiləyə bilərlər. Çünki Kataloniyanın İspaniyadan, Bavariyanın Almaniyadan müstəqil olmaq arzularının olduğu heç kəsə sirr deyil. Bununla belə təmasda olduğum insanlarla söhbət zamanı müşahidəm və aldığım cavab belədir ki, insanlar hər hansı fikir söyləməyə ehtiyat edirlər. Səbəbini Qarabağla bağlı yetərli məlumatlarının olmaması ilə izah edirlər. Bunu müsbət hal kimi qiymətləndirmək lazımdır. Demək, Azərbaycan hökuməti burada lobbi işini genişləndirsə və diaspora fəaliyyətini doğru-düzgün qura bilsə, dost çevrəsini daha da genişləndirə bilər.

-44 günlük müharibədə xeyli aktivlik göstərdiniz. Azərbaycanın haqq səsini yaşadığın bölgənin əhalisinə çatdırmağa çatdırdınız.

-Buna təbii baxmaq lazımdır. Bir Azərbaycan türkü kimi gücümün çatdığı qədər xalqımın yanında olmaq, mənim üçün şərəfdir

-Müsahibə üçün təşəkkürlər!

 

0/Şərhlər

Previous Post Next Post