Топ-100 Yenə hədəfdə “Yerazlar”dır

Yenə hədəfdə “Yerazlar”dır

Yenə hədəfdə yerazlardır

Köhnə çekistin könhəlmiş oyunları davam edir...

Xeyli müddətdir, Putinin, Qarabağ Azərbaycan ərazisidir, deyimi bir qrup insan tərəfindən toplumumuzda geniş təbliğ olunmaqdadır. Lakin onun Sumqayıtla bağlı fikirlərinə yetərincə yer verilmədi.

Sual yaranır, Putin, hər şey Sumqayıtla başladı, deməklə nəyi nəzərdə tuturdu və ya kimləri hədəfinə çevirmək istəyirdi? Başqa sözlə, Rusiya Federasiyasının rəhbərini belə bir bəyanat səsləndirməyə nə vadar etdi? Doğurdanmı, bu onun inandığı həqiqət idi, yoxsa köhnə çekist yenə də öz ampulasında idi.

Təbii ki, Sumqayıt hadisələrinin üzvü olduğu qurum tərəfindən törədildiyi Putinə sirr deyil. Əgər belədirsə, o zaman bu bəyanatın arxasında bir niyyət olmalıdır. Bizə düşən, o niyyəti oxumaqdır.

Əslində Putin Ermənistanda baş verən prosesləri həm də Azərbaycana transfer etməyə çalışır. Yəni cəmiyyəti parçalamaqla Azərbaycandakı rusofillərin mövqeyini gücləndirməyə cəhd edir. Məhz, bunun üçün Sumqayıt hadisələrini xüsusi qabartdı və Qərbi Azərbaycanlıları hədəf göstərdi. Sınaqdan çıxardığını bir daha təcrübə etmək istədi. Bəs, niyə Qərbi Azərbaycanlılar? Səbəbi çox sadədir:

1. Moskvanın artıq Qərbi Azərbaycanlılar üzərindən bu toplumu parçalamaq təcrübəsi var.

2. Putin çox yaxşı bilir ki, Azərbaycan-Türkiyə münasibətlərinin inkişafında Qərbi Azərbaycanlılar mühüm əhəmiyyətə malikdirlər.

3. Türkiyə SQ Qarabağın  “3X” bölgəsində fəaliyyət göstərməsi Moskvanı rahatsız edir. Unutmayaq ki, Liviyada Ankara Kremli əməlli-başlı dişinə vurub və Rusiya anlayır ki, qarçısındakı sıradan güc deyil.

4. Kremlin gələcəkdə erməniləri Bakıya qaytarmaq planı var. Bunun üçün Qərbi Azərbaycanlıların da Ermənistana qaytarılmasını gündəmə gətirmək lazımdır. Bunun ən asan yolu isə Sumqayıt hadisələrini polemikaya açmaqdır. Axı, Bakı və Abşeron yarımadası Moskva üçün daima əvəzolunmaz ərazi olub və qalmaqdadır.

Sumqayıt hadisələrinə gəlincə, onu SSRİ KQB-nin törətdiyi heç kimə sirr deyil. Bununla belə, hazırda 5-ci kolon ağasının əmri ilə hadisələrə fərqli don geyindirməyə çalışır.

Məsələn, CBC kanalında çıxış edən bir zat deyir ki, Azərbaycan xalqı ermənilərə qarşı heç vaxt düşmən münasibət bəsləməyib. Əksinə, Sumqayıt hadisələri zamanı şəxsi həyatlarını təhlükə  altına ataraq, erməniləri müdafiə etməyə çalışırdılar.

Sual yaranır, axı, Azərbaycan xalqı erməniləri kimdən müdafiə edirdi?

İkincisi, erməniləri qoruduğuna görə Azərbaycan xalqının həyatına kim təhlükə ola bilərdi?

Bax, xoruzun quyruğu elə burada görünməyə başlayır, hədəf Qərbi Azərbaycanlılardır. Çünki bu ifadədə Qərbi Azərbaycanlıları Azərbaycan xalqından ayırmaq cəhdi var. Yəni rusofillər ağa Putinin fikirlərini inkişaf etdirərək,  Azərbaycan toplumuna Qərbi Azərbaycanlıları hədəf göstərməyə çalışırlar. Amma nafilə. Köhnə çekistin və onun Azərbaycandakı qullarının anlamadığı bir nüans var, Azərbaycan xalqı qocalmış Rusiyadan və onun qoca çekistindən fərqli olaraq, XXI əsrdə yaşayır. 5-ci kolon hər nə qədər aqressivlik nümayiş etdirsə də, qışqıra-bağıra cəmiyyəti xoflandırmağa çalışsa da, Azərbaycan xalqı onların layiqli cavabını verə biləcək qüdrətdədir...

Şahin Əlioğlu

0/Şərhlər

Previous Post Next Post