Ermənistanda revanş səsləri artır

Kimin qazı ilə siyasilər və hərbçilər daha da aqresivləşib?

Ermənistanın baş naziri Nikol Paşinyanı postundan kənarlaşdırmaq niyyətində olan və aşkar siyasətə qayıtdığını elan edən sabiq, ikinci prezidenti Robert Köçəryan bildirib ki, ölkə qaralara və ağlara, varlılara və kasıblara, rusiyapərəstlərə və Rusiyaya qarşı olanlara bölüblər. Əslində isə Türk agent şəbəkəsi üzə çıxarılmalıdır. Ordu mütləq güclənəcək və layiqli cavab verəcək.

Ermənistan ordusunun yaranmasının ildönümü münasibəti ilə səslənən fikirlərdə də bənzər ritorika müşahidə edilməkdədir.

Ermənistan Silahlı Qüvvələrinin Baş qərargah rəisi Onik Qasparyan, erməni ordusunun yaralarından tez sağalacağını və düşmənə gücünü göstərəcəyini bildirib.

Sabiq prezident  Serj Sarksiyan isə orduya müraciətində onun (ordunun-red.) məğlub edilmədiyini, sadəcə, xəyanətə uğradığını və tez bir zamanda gücünü toplayacağını, düşmənə əsl yumruğu göstərəcəyinə inandığını söyləyib.

Bəs ermənilərin bu qədər aqressiv bəyanatlar səsləndirməsinin arxasında hansı güc durur?

Bu sualın cavabını da Koçəryanın açıqlamasında tapmaq mümkündür. Onun sözlərinə görə Rusiya olmadan Ermənistanın təhlükəsizliyini təmin etmək mümkün olmazdı.